ჩვენი სერვისები

ბაროპოდომეტრია არის ტერფის დგომისა და წნევის გადანაწილების ციფრული კვლევა. სენსორული პლატფორმის გამოყენებით ფასდება ტერფის ბიომექანიკა როგორც სტატიკურ (დგომისას), ისე დინამიკურ (სიარულის) ფაზაში, რაც უზრუნველყოფს შეუიარაღებელი თვალით უხილავი ფარული დისბალანსის გამოვლენას.

სტაბილომეტრია წარმოადგენს ბიომექანიკურ კვლევას, რომელიც სწავლობს სხეულის უნარს, შეინარჩუნოს სტაბილურობა მდგომარე პოზიციაში. კვლევისას ფიქსირდება მცირედი პოსტურალური რხევები, რაც კრიტიკულად მნიშვნელოვანია საყრდენ-მამოძრავებელი და ნერვული სისტემების კოორდინირებული მუშაობის შესაფასებლად.

ტანდეგობის 3D კვლევა წარმოადგენს სხეულის არაინვაზიურ შეფასებას რადიაციის გარეშე. ინოვაციური LiDAR ტექნოლოგიის გამოყენებით იქმნება ზურგის ზედაპირის ზუსტი სამგანზომილებიანი მოდელი, სადაც დეტალურად ფასდება ხერხემლის, მენჯის, მხრებისა და ქვედა კიდურების პოზიცია.

სიარულის მანერის კომპიუტერული ანალიზი (კინემატიკური კვლევა) სხეულის მოძრაობის დინამიკური შეფასების თანამედროვე მეთოდია. ფასდება სიარულისა და სირბილის ბიომექანიკა, რაც საშუალებას გვაძლევს გამოვავლინოთ მოძრაობის უხილავი დეფექტები და სახსრების არათანაბარი დატვირთვის მიზეზები.